Kuwa 24 Nyakanga 2022,  Minisitiri w'Ubutegetsi bw'Igihugu, Gatabazi Jean Marie Vianney yashoje umwiherero w’Abayobozi batandukanye mu Ntara y’Iburasirazuba n'Uturere tuyigize waberaga mu Karere ka Bugesera ku nsanganyamatsiko: "Kwihutisha imiyoborere mpinduramatwara binyuze mu kunoza imitangire ya serivisi nziza, gukora neza no kubazwa inshingano”.

Mu mpanuro yahaye aba bayobozi, Minisitiri Gatabazi yabasabye gushyiraho ingamba zo kongera umusaruro w'ubworozi, kugirango uruganda rw'amata y'ifu rurimo kubakwa mu Karere ka Nyagatare rutazabura umukamo ukenewe.

Minisitiri Gatabazi yasabye abayobozi gushyiraho ingamba zo kongera umusaruro w'ubworozi, kugirango uruganda rw'amata y'ifu rurimo kubakwa mu Karere ka Nyagatare rutazabura umukamo ukenewe.

Yasabye aba bayobozi kandi gukurikirana imikorere n'imicungire inoze y'amakoperative kugirango afashe abaturage/abanyamuryango gutera imbere; Kongera umusaruro w'amafi mu biyaga n'ibyuzi biri muri iyi Ntara no kwimakaza imitangire ya serivisi inoze.

Uyu mwiherero wahuje ubuyobozi bw'Intara, Abagize Komite Nyobozi z'Uturere, Abayobozi n'inama Njyanama, Abanyamabanga Nshingwabikorwa b'Uturere, Abayobozi b'Imirimo rusange ku Turere ndetse n'abashinzwe igenamigambi.

Muri uyu mwiherero w'iminsi ibiri, abayobozi barebeye hamwe intambwe imaze guterwa mu gushyira mu bikorwa gahunda yo Kwihutisha Iterambere ry'Igihugu, 2017-2024 (NST1), kwihutisha ishyirwa mu bikorwa ry'imihigo ya 2022/2023, amahirwe mu ishoramari agaraga muri iyi Ntara, ingamba zo kurwanya imirimo mibi ikoreshwa abana, inda zidateganyijwe, kurwanya ruswa n'akarengane no gukemura ibibazo by'abaturage.