Kuri uyu wa Gatatu tariki ya 08 Gicurasi 2024, Guverineri w'Intara, Rubingisa Pudence ari kumwe n'Umuvunyi Mukuru, Madamu Nirere Madeleine n'abayobozi b'inzego z'umutekano basuye Akarere ka Ngoma muri gahunda yo gukurikirana no gukemura ibibazo by'abaturage bagejeje ku buyobozi.

Ni uruzinduko rwateguwe n'Intara hagamijwe gukurikirana no gukemura ibibazo abaturage bagejeje ku buyobozi ndetse no kureba aho Uturere tugeze dukemura ibibazo bibangamiye imibereho myiza y'abaturage. Uru rugendo ruzanakomereza no mu tundi turere tugize iyi Ntara.

Haranasuzumwa ibibazo bibangamiye imibereho myiza y'abaturage (HSI) n'iyubahirizwa ry'amabwiriza y'irondo, hagamijwe gushimangira umutekano.