Ku wa Kabiri tariki ya 16 Mutarama 2024, Guverineri w'Intara y’Iburasirazuba, Rubingisa Pudence ari kumwe n'abagize inama y'umutekano itaguye y'Intara yasuye Akarere ka Kirehe mu rwego rwo gusura imishinga y'iterambere itandukanye iri muri aka Karere no kuganira n'Abayobozi &abakozi b'Akarere ndetse n'abaturage.

Mu biganiro yagiranye n'Abayobozi b'Akarere, Abayobozi b'inaa Njyanama, Abanyambanga Nshingwabikorwa b'Imirenge ndetse n'abayobozi b'amashami ku Karere, Guverineri yabasabye kwegera abaturage bakabakemurira ibibazo no gukurikirana uko gahunda za Leta zegerejwe abaturage zibafasha mu guhindura imibereho yabo.

Mu bikorwa by'iterambere Guverineri yasuye muri Kirehe birimo; Urugomero rw’amashanyarazi rwa Rusumo n'umupaka wa Rusumo. Uru ruganda ubu rukaba rukoa ku kigro cya 605, bikaba biteganyijwe ko imirimo micye isigaye izaba yarangiye vuba.

Ku gicamunsi, Guverineri Rubingisa @PudenceR ari kumwe n'abayobozi b'inzego z'umutekano n'ubuyobozi bw'Akarere ka Kirehe bifatanyije n'abaturage b'Umurenge wa Gahara mu nteko y'abaturage yabereye mu Kagari ka Rubimba.

Guverineri Rubingisa n'abandi bayobozi bashishikarije abaturage:

- Gukora cyane baharanira kwiteza imbere;

- Gusubiza abana bose mu ishuri

- Gukangurira abaturage bifotoje gufata indangamuntu zabo ku mirenge, abatarifotoza bakifotoza;

- Kwandikisha ubutaka;

- Gufata neza umusaruro

- Kubungabunga umutekano

Abaturage kandi bahawe umwanya wo gutanga ibitekerezo n'ibibazo;  Guverineri Rubingisa afatanyije n'abandi bayobozi babihaye ibisubizo; ibindi bihabwa umurongo w'uburyo byakemurwa vuba.