Kuri uyu wa Kane, mu cyumba cy’inama cy’Intara habereye inama igamije gusuzuma imicungire y’ibikorwaremezo mu Ntara y’Iburasirazuba no kubicungira umutekano. Ni inama yateguwe ku bufatanye bw’Intara na Polisi y’uRwanda.

Inama yayobowe na Guverineri w’Intara y’Iburasirazuba Rubingisa ari kumwe na CP John Bosco Kabera, Komiseri ushinzwe umutekano w’ibikorwa remezo na sosiyete zitanga umutekano, yitabiriwe n’abayobozi b’uturere, abahagarariye Ikigo cy'igihugu gishinzwe gukwirakwiza amashanyarazi (REG) n'abahagarariye Ikigo cy'Igihugu gishinzwe gukwirakwiza Amazi, Isuku n'Isukura (WASAC)mu Turere n’abandi.

Muri iyi nama abayobozi basabwe gukangurira abaturage kugira uruhare rugaragara mu kwirindira  ibyo bikorwa remezo by’amazi n’amashanyarazi n’ibindi bafatanyije n’inzego z’umutekano, kuko aribyo shingiro ry’iterambere ryabo n’igihugu muri rusange.