Mu nama nyunguranabitekerezo ku ruhare rw’Umugore mu kwihutisha iterambere ry’Igihugu, yahuje Minisitiri w'Uburinganire n'Iterambere ry'Umuryango Uwimana Consolée ari kumwe na Guverineri w'Intara Pudence Rubingisa n'abagore bahagarariye abandi bo Mirenge yose igize iyi Ntara n'abandi bafatanyabikorwa kuri uyu wa 04 Ukuboza 2024, Abagore basabwe gushyira imbaraga mu kurandura ibibazo bibangamiye umuryango.

Iyi nama yabereye mu Karere ka Kayonza, abayitabiriye baganiriye by'umwihariko ku nshingano z’abagize inama y’igihugu y’abagore, ibibazo byugarije umuryango n’ibibangamiye imibereho y’abaturage; ingamba n'uruhare rw’abagore mu gukemura ibi bibazo hagamijwe kwihutisha iterambere no kubaka umuryango ushoboye kdi utekanye.

Minisitiri Uwimana yasabye abagize Inama y’Igihugu y’Abagore muri @RwandaEast n’abafatanyabikorwa gufatanya bakarebera hamwe uko banoza imikorere ibafasha gushyira mu bikorwa gahunda ya 2 yo kwihutisha iterambere(NST2) no mu Cyerekezo 2050, Umunyarwandakazi abigizemo uruhare.

Minisitiri @U_Consolee kandi yasabye abagore bo mu Ntara kuba bandebereho mu miyoborere izana impinduka, bakabyaza umusaruro amahirwe bahawe. Yabasabye gushyira imbaraga mu kurandura burundu ibibazo bibangamiye umuryango.